Хохаг куывд


Хохаг куывд
Хуыцау, Дæу зонæм,
Дæ кувæг адæм стæм,
Нæ кувинæгтæ нын райс адджынæн æмæ кадджынæн.
Оммен, Хуыцау!
Адæмы мад дæ, Мады Майрæм!
Нæ кувинæгтæ нын адджынæн райс.
Дæ ном дын адджынæй æмæ кадджынæй куыд арæм,
Цы сабиты дæттыс, уыдон дæр – де уазæг.
Оммен, Хуыцау!
Йесо Чырысти, дæуæн дæр кувæм,
Æмæ дын нæ кувинæгтæ адджын фæуæнт.
Оммен, Хуыцау!
Æртæ Йонон Саниба,
Хуыцауы æртæ цæсгомы,
Адджынæн, кадджынæн райс нæ кувинæгтæ!
Оммен, Хуыцау!
Хохы Уастырджи,
Hæ кувинæгтæ нын адджынæн райс.
Оммен, Хуыцау!
Нарыхъæуы астæу Уастырджийы кувæндон,
Кувæм дын,
Æмæ дын нæ кувинæгтæ адджын фæуæнт.
Оммен, Хуыцау!
Пъуриаты авд дзуары,
Нæ кувинæгтæ нын адджынæн æмæ кадджынæн райсут.
Оммен, Хуыцау!
Цъыфы комы Уастырджийы кувæндон,
Нæ кувинæгтæ дын адджын фæуæнт,
Зæйæ æмæ нæ дæ дурæй бахъахъхъæ.
Оммен, Хуыцау!
Зруджы зæрин Майрæм,
Кувæм дæм,
Æмæ нын нæ кувинæгтæ адджынæн æмæ кадджынæн райс,
Дæ номыл ратт гуырдтæ,
Цы гуырдтæ раттыс,
Уыдон цæринаг куыд уой, уый дæ курæм,
Оммен, Хуыцау!
Гадзиты Мыкалгабыртæ,
Нæ кувинæгтæ дын адджын фæуæнт,
Фыдбылыз – дард, амонд – хæстæг.
Оммен, Хуыцау!
Тибы Таранджелоз,
Нæ кувинæгтæ дын адджын фæуæнт,
Дæ быны цы адæм цæры, уыдоны хорзæх дæр
Æмæ нын дæхи хорзæх дæр ратт.
Оммен, Хуыцау!
Тутыр, кувæм дын,
Hæ кувинæгтæ дын адджын фæуæнт,
Дæ хъæбысæй нæ бахъахъхъæ.
Оммен, Хуьщау!
Мамысоны, Згъилы Самтхос,
Нæ кувинæгтæ дын адджын фæуæнт,
Дæ алыварс цы адæм ис, уыдоны хорзæх дæр
Æмæ дæ дæхи хорзæх дæр курæм.
Оммен, Хуыцау!
Хоры Уацилла,
Нæ кувинæгтæ нын райс,
Хорæфсис нæ фæкæн.
Оммен, Хуыцау!
Фосы Фæлвæра,
Дæ раттинаг фосæй нæ æфсæст уадз,
Нæ кувинæгтæ нын райс адджынæн,
Дæ хорзæх нын дæ цæст бауарзæд.
Оммен, Хуыцау!
Сатъаты Саниба,
Кувæм дын,
Æмæ нын нæ кувинæгтæ райс,
Курæм дæ, æмæ нын дæ хорзæх дæ цæст бауарзæд.
Оммен, Хуыцау!
Сатъаты хъугомы астæу Уастырджийы кувæндон,
Нæ кувинæгтæ нын адджынæн райс,
Нæ сатæг уæлвæзты, нæ хурджын дæлвæзты цы хоры хал рæзы,
Уыдон нын хæлар æмæ адджынæй ратт.
Оммен, Хуыцау!
Зæрæмæджы хъугомы астæу кувæндон,
Дæуæн дæр кувæм,
Æмæ нын нæ кувинæгтæ адджынæн райс,
Кæддæриддæр, дæ быны цы адæм цæры,
Уыдонимæ кадджынæй æмæ адджынæй куыд цæрæм, афтæ.
Дæ цуры цы адæмтæ цæры, уыдоны хорзæх дæр
Æмæ нæ дæ хорзæх дæр куыд уа, афтæ.
Оммен, Хуыцау!
Къасарайы Мыкалгабырты кувæндон,
Кувæм дын
Нæ кувинæгтæ нын адджынæй æмæ кадджынæй райс,
Hæ фыдбылыз – дард, нæ амонд – хæстæг,
Нæ бæлццон адæм фæндараст куыд уой, уый дæр дæ курæм,
Дæ хорзæх нын дæ цæст бауарзæд.
Оммен, Хуыцау!
Цъуалийы Уастырджийы кувæндон,
Кувæм дын,
Æмæ нын нæ кувинæгтæ райс,
Нæ бæлццон адæм æмæ нæ уазджытæ, дæ уæлеты чи цæуы,
Уыдон фæндараст куыд уой, афтæ.
Оммен, Хуьщау!
Къасарайы, Сидæны фæзы,
Цæразонты Сидæны, Мыкалгабырты кувæндон,
Нæ кувинæгтæ нын райс адджын æмæ кадджынæй,
Дæ бынмæ кувынмæ цы адæм цæуы, уыдоны хорзæх дæр
Æмæ нын дæхи хорзæх дæр дæ цæст бауарзæд.
Оммен, Хуыцау!
Зджыды Алардыйы кувæндон,
Артæ къуырийы дæ быны куывды фæбадынц,
Мах дæр мæгуыр адæм стæм æмæ мах дæр
Дæ хорзæх уæд,
Hæ чысыл гуырдтæ дæр де уазæг фæуæнт, Алардыйы кувæндон.
Оммен, Хуыцау!
Ныхасы бæрзонд Уастырджи,
Hæ кувинæгтæ дын адджын фæуæнт,
Hæ уазæг, нæ бæлццон адæм кæддæриддæр
Дæ уæлеты дзæбæхæй куыд цæуой.
Оммен, Хуыцау!
Хетæджы Уастырджи, æргом зæд дæ,
Хъæуты астæу æрæнцадтæ,
Æмæ дын нæ кувинæгтæ адджын фæуæнт,
Æргом зæд дæ уый тыххæй хонæм, æмæ дæ бынат
Бæрæг бæлвырдæй хъæдæй кæй рацух кодтай.
Дæ алыварс цы адæмтæ цæры, уыдон хорзæх дæр
Æмæ нын дæхи хорзæх дæр ратт.
Оммен, Хуыцау!
Бæрзондæй фæлгæсæг бæрзонд Тæтæртупп,
Æгас быдыры, Елхотæй уæлæмæ,
Кувæм дын,
Нæ кувинæгтæ нын райс,
Дæ ном дын адджынæй куыд арæм, афтæ,
Дæ быны цы адæмтæ цæры, уыдон хорзæх дæр,
Æмæ нæ дæхи хорзæх дæр куыд уа, афтæ,
Дæ бынты чи цæуа, уыдон дзæбæхæй куыд цæуой, афтæ.
Оммен, Хуыцау!
Быдыры Уастырджи, горæты амонд æмæ кадæй дæр нын хай бакæ
Амæ нын нæ кувинæгтæ райс.
Оммен, Хуыцау!

Словарь по этнографии и мифологии осетин. 2014.

Смотреть что такое "Хохаг куывд" в других словарях:

  • Хохаг куывд – перевод — см. Хохаг куывд Горская молитва – О Хуыцау, мы, Тебе молящийся народ, Помним о Тебе и просим – прими наши приношения И удостой их Своего благоволения. – Оммен, Хуыцау! – О матерь народов, пресвятая Мать Мария, Удостой наши приношения своего… …   Словарь по этнографии и мифологии осетин

  • ЦАРДЫУАГОН КУЫВДТЫТÆ — Семейные обрядовые молитвы Чызгæрвысты куывд Киндзхонти хестæри кувд Хестæри кувд, киндзи ка фæццæуй, еци кизгæн Чындзхасты куывд …   Словарь по этнографии и мифологии осетин

  • Æмцегдзинад — см. Æмцегдзинад – перевод Æмцегдзинад – афтæ хуындис сывæллоны (лæппуйы) æцæгæлон бинонтæм хъомыл кæнынмæ раттыны æгъдау. Тынг арæх æмбæлдис цæгат кавказаг хохаг феодалты ‘хсæн. Æмцегдзинады фæрцы иу хъомылгæнинаджы æмæ хъомылгæнæджы бинонты… …   Словарь по этнографии и мифологии осетин

  • АЛАРДЫЙЫ БÆРÆГБОН — см. АЛАРДЫЙЫ БÆРÆГБОН – перевод Алардыйы бæрæгбоны хæдразмæ фæкæнынц Рыны бардуаджы бæрæгбон (кæс Аларды, Рыны бардуаг, АЛАРДЫ). Рыны бардуагæн йæ ном – йæ миниуджыты хуыздæр æвдисæн. Адæм æм куывтой, цæмæй сæ рынæй хъахъхъæн …   Словарь по этнографии и мифологии осетин